अनलाइन शिक्षालाई नै नियमित क्रेडिट आवरमा जोड्ने सरकारले तयारी

2 months ago

शुक्रवार मन्त्रिपरिषद्को निर्णय सार्वजनिक गर्न आयोजित पत्रकार सम्मेलनमा सरकारका प्रवक्ता डा युवराज खतिवडाले मन्त्रिपरिषद्ले यस विषयमा छिट्टै निर्णय गर्ने जानकारी दिए ।

विश्वले अनलाइन शिक्षालाई स्वीकार गरेको र नेपालमा पनि खुला विश्वविद्यालय सुरु गरिसकेको अवस्थामा अनलाइन मार्फत शैक्षिकसत्र सुरु गर्न कुनै समस्या नरहेको उनको भनाइ छ ।

नेपालको सबै ठाउँमा फोर जी सेवा र इन्टरनेटको सुविधा नपुगेको उनको भनाइ छ । उनले विद्युत सेवा र इन्टरनेटको सुविधा नभएको क्षेत्रका बालबालिकालाई कसरी वैकल्पिक सिकाई विधिको व्यवस्था गर्नुपर्ने भएकाले निर्णय गर्न ढिलाइ भएको बताए ।

कोही अनलाइनमा पढ्ने र क्रेडिटआवर जोड्दै जाने कोहीको नजोडिने अवस्था आउने र कतै पढाइ भएर पढाइ सकिने, कतै शुरु नै नहुने र कतै आधामात्रै पढाइ हुने अवस्था पनि आउन नदिइने उनले स्पष्ट पार्दै उनले भने, यस्तै विषयमा एकरुपता होस भनेर निर्णय गर्नमा ढिलाइ गरिएको र यस विषयमा चाँडै मन्त्रिपरिषद्ले निर्णय लिनेछ ।

सरकारले कोरोना महामारीको जोखिमलाई मध्यनजर गरी शुरुमा भदौ १५ देखि विद्यालय सञ्चालन गर्न सकिने अनुमान गरेकाले पाठ्यक्रम समायोजनको विषयमा धेरै ध्यान नदिइएको उनले स्पष्ट पारे ।

Facebook Comments
Share

 

Archives